Bertrand Fauchet
Diretor Eizecutibo

Bertrand Fauchet ten ua speriénça de 30 anhos ne l campo de la einergie. Ampeçou la sue carreira cumo angenheiro an 1992, purmeiro no manginar i traçar squiços de barraiges cumo la Coyne et Bellier (hoije Tractebel), i apuis na armazenaige subterránia de gáç cun la Gaz de France. Antre 2000 i 2014, acupou dalguas acupaçones amportantes ne l campo de la geréncia de la einergie. Cuntribuiu pal zambuolbimiento de atebidades de comercializaçon de mercancias i pal goberno de atibos ne campo de gáç i de la einergie de la ENGIE. Fui tamien bice-maioral de la Direçon de la Powernext, un mercado de einergie ouropeu (European Energy Exchange). Antre 2015 i 2018, Bertrand fui l CEO de la Storenergy France, ua dependéncia de la ENGIE que fai la geréncia de la armazenaige sbterránia de l gáç natural. Até 2020, fui representante de un de ls membros de la ENGIE’s ExCom, superbisionando l cuntrolo de Peligros, Ouparaçones stratégicas i de struturaçon de ambuolturas i aquesiçones.

Filipe Almeida Santos
Diretor Financeiro

Filipe Almeida Santos ye un Eizecutibo Anternacional cun speriénça an Finanças i Serbícios pa la Produçon Einergética. Respunsable cun 25 anhos de speriénça an Serbícios i an Porjetos Turnkey ne l Campo Einergético i noutras andústrias.

Naciu an Fráncia an 1969. De ls sous studos fai parte un Mestrado an Eiquenomie por la Faculdade de Eiquenomie de la Ounibersidade de Coimbra (Portugal) i l Doutoramento an Eiquenomie Aplicada por la Ounibersidade de York (Reino Ounido). Falar 4 lhénguas (Francés, Anglés, Pertués i Spanhol) posseblita-le guiar i zambuolber zde l zero Ampresas i Eiquipas multiculturales. Colabora cun Eiquipas ne l porcesso de mudança i crecimiento para ir alhá de l que se spera, zde que ampeçou a trabalhar, an 1992, cumo Diretor de la Romeu Portugal Lda, na Martifer Solar, anquanto CFO i Braço de la Direçon. An agosto de 2017 antrou pa la Voltalia cumo Diretor de Ambestimiento i Financiamento pa la Ouropa i América de l Sul i Gobernador de Grandes Clientes para Ambestidores Anstitucionales.

Pedro Ribeiro
Diretor Ouperacional

Pedro Ribeiro ye un specialista an Goberno de Ampresas Multinacionales, Produçon de Einergie i Outomaçon. Cun más de 30 anhos an ampresas dedicadas a la tecnonologie, einergie i eiquipamiento eilétrico, cumo la ABB, la Alstom i la General Eletric, Pedro Ribeiro ten ua lharga speriénça. Antre 2010 i 2018, gobernou eiquipas specializadas an produçon de einergie térmica i renobable, i porjetos de outomaçon de porcessos: zde ls purmeiros studos, criaçon, porcesso negocial, eilaboraçon de ourçamientos, bendas i negociaçon até la antegraçon, eizecuçon i antrada an serbiço. Pedro Ribeiro fizo ua licenciatura an Angenharie Eilétrica ne l campo de Outomaçon & Cuntrolo i Eiletrónica de Poténcia, i un MBA an Admenistraçon Ampresarial.

Gustavo Rochette
Diretor Jurídico i de Leis

Gustavo Rochette ye un adbogado mui purparado que trabalha ne l campo de la einergie zde l ampeço de la sue profisson. Ten speriénça an dalguns subcampos einergéticos, cumo la eifecéncia einergética i fuontes de einergie renobable, cumo la solar, eiólica, heidroeilétrica i biomassa. Esta speriénça fui ganhada quando stubo cumo adbogado na ADENE – Agéncia pa la Einergie, i na prática cumo adbogado, tanto a nible nacional, na Abreu Advogados, cumo anternacional, ne l scritório Herbert Smith Freehills LLP, an Londres.

Gustavo Rochette ten ua Licenciatura an Dreito i un Mestrado an Dreito por la Ounibersidade de Coimbra i un LLM an Einergie i Recursos Naturales por la Queen Mary University of London. Además de l sou posto na Movhera, tamien ye Porsor Ajudante de l módulo de Dreito de las Einergies Renobables ne l Centre of Commercial Law Studies da Queen Mary University of London, adonde ansina junto cun l Porsor Malik Dahlan, Chair of International Law and Public Policy.