Ls nuossos atibos ne l campo heidroeilétrico
Las nuossas barraiges ténen, al todo, ua capacidade de 1,7 GW i produzen, medianamente, 3,2 TWh de einergie renobable por anho.
Na Movhera, cremos an fuortes parceries locales. Sforçamos-mos para tener un resultado faborable.
L nuosso portfolio heidroeilétrico renobable ne l Norte de Pertual ten seis barraiges – Miranda, Picuote, Bempuosta, Baixo Sabor, Feiticeiro, Foç Tua. Todas juntas produzen 3.4 TWh de einergie berde i fornecen serbícios ajustables al sistema eilétrico afiançando simpre sien parar l fornecimiento de einergie berde ne l paíç. Trés de las barraiges ampeçórun hai pouco a trabalhar cumo ounidades de armazenaige por bumbaige. Las outras trés son barraiges de filo d’auga feitas ne ls anhos 50 i 60 i hai pouco tiempo reforçadas.
Fornecer einergie de liçace a todo l tiempo.
Trés barraiges a filo d’auga an cachoneira hai pouco tiempo melhoradas, usan an cuntino la corriente de l riu i fornecen einergie de liçace. De la naciente caras al mar: Miranda, Picuote, Bempuosta.
Oufrecer ajustablidade por bias de la armazenaige por bumbaige.
Trés barraiges de armazenaige por bumbaige que ampeçórun hai pouco tiempo an funcionamiento, que trabalhan a diário cun trocas de l’auga antre las represas d’ambaixo i d’anriba: l sistema Baixo Sabor / Feiticeiro i Foç Tua.
Miranda
Miranda ye ua barraige a filo d’auga cun la represa de contraforte an beton ne l riu Douro, ne l cunceilho de Miranda.La central cunsigue ua poténcia total de 363 MW.
Baixo Sabor
La barraige de l Baixo Sabor queda ne l riu Sabor, un afluente na borda dreita de l Douro, ne l cunceilho de Muncorbo. La central fui feita de maneira subterránia i ten alhá puostas dues turbinas Francis de 72 MW cada.
Picuote
Acabada an 1958, Picuote fui la purmeira barraige a ser feita an Pertual ne riu Douro i queda ne l cunceilho de Miranda. La central ten hoije ua poténcia total de 433 MW.
Feiticeiro
Queda l cunceilho de Muncorbo, 14 Km abaixo de l Baixo Sabor, la barraige de Feiticeiro ampeçou la sue atebidade an 2015. La barraige de Feiticeiro, represa de grabidade i central heidroeilétrica rebersible cunsigue ua poténcia total de 38 MW.
Bempuosta
Bempuosta ye ua represa an arco de beton i ua barraige a filo d’auga, ne l cunceilho de Mogadouro, acerca la raia cun Spanha.La central cunsigue ua poténcia total de 439 MW.
Foç Tua
La barraige de Foç Tua queda ne l riu Tua, un afluente de la borda dreita de l Douro, na tierra de San Mamede de Ribatua, ne l cunceilho de Alijó. La barraige de la Foç de l Tua ye ua central heidroeilétrica multifunçon feita por dues turbinas Francis rebersibles i cunsigue ua capacidade total de 274 MW.